Hmoob Koom Siab

Kuv tus me ab

Thaum kuv laus, kuv xav tias koj yuav tau taub thiab siab ntev rau kuv
Yog kuv ua lub tais tawg, los yog ua zaub mov nchuav saum rooj 
Yog kuv lub qhov muag tsis pom kev lawm,  kuv vam tias koj yuav tsis cem kuv
Neeg laus siab tsis ntev lawm,  lawv muaj kev tu siab thaum koj cem
Thaum kuv lub pob ntseg tsis hnov koj hais lus 
Kuv vam tias koj yuav tsis hu kuv li pog lag ntseg
Thov rov hais dua los yog sau  rau ntawm daim ntawv

Thov txim, kuv tus me ab
Kuv laus zuj zus lawm
Thaum kuv ob txhais ceg tsis muaj zog
Kuv vam tias koj yuav siab ntev pab rub kuv sawv 
Zoo li thaum kuv pab koj thaum koj tseem me me,  thaum koj nim qhuav pib taug kev
Thov ua siab ntev rau kuv thaum kuv ntog hlawv hlo
Kuv vam tias koj yuav mloog kuv hais 
Thov txhob luag kuv thiab txhob npau taws rau kuv

Koj puas nco qab thaum koj tseem me me koj xav tau ib lub balloon?
Koj hais ntau zaus, hais tag hais dua, koj hais, hais 
Koj hais txog kiag thaum koj tau kiag yam koj xav tau

Zam txim rau kuv thaum kuv tsw phem
Kuv tsw ntxhiab li ib tug neeg laus
Txhob yuam kuv mus da dej
Kuv lub cev twb tsis muaj zog lawm
Neeg laus muaj mob yooj yooj yim yog no no lawv
Kuv vam tias koj yuav tsis ntxhub

Koj puas nco qab thaum koj tseem me me?
Kuv muab koj caum puv tsev vim yog koj tsis kam da dej
Kuv vam tias koj yuav ua siab ntev thaum kuv yws yws taus
Vim neeg laus yeej zoo li ntawv
Koj yeej yuav tau taub thaum koj laus
Tej lub sijhawm koj tsis muaj dab tsi ua
Kuv xav nrog koj tham ob peb nas this
Vim kuv nyob ib leeg txhua txhua zaus
Tsis muaj neeg nrog kuv tham
Kuv yeej paub tias koj khwv khwv ua haujlwm
Txawm tias koj tsis xav mloog kuv tej lus
Thov muab lub sijhawm nrog kuv

Koj puas nco thaum koj tseem me me?
Kuv twb ua siab ntev mloog koj tham koj zaj dab neeg  teddy bear
Yog lub sijhawm los txog, kuv muaj mob kuv tsis taus lawm
Kuv vam tias koj yuav ua siab ntev tu kuv
Zam txim rau kuv tej thaum kuv lav zis ntub txaj los yog ua tsev sw sw
Kuv vam tias koj yuav ua siab ntev tu kuv hnub kawg hauv kuv lub neej
Kuv txoj sia yuav nyob tsis ntev lawm 
Lub sijhawm kuv txoj sia yuav tu
Kuv vam tias koj yuav zaum rawv ib sab tuav rawv kuv tes
Kuv thiaj  tsis ntshai txoj kev tuag

Txhob txhawj
Thaum kuv txoj sia tu lawm
Kuv yuav ntxhi rau nws lub pob ntseg kom tso txoj hmoo zoo rau koj
Vim koj hlub koj niam thiab txiv

Ua tsaug rau koj txoj kev pab 
Wb hlub koj
Yuav Nco ntsoov koj txoj kev hlub

Koj niam thiab txiv